تقرير بسيط عن سيارات دودج
22
1
إضغط هنا للإخفاء
السلام عليكم ورحمة الله وبركاته
عندي تقرير بسيط وملاحظات صغيرة على سيارات دودج وكرايسلر و جيب
طبعا مثل ما أنتم عارفين، شركة دودج ومرسيدس بينهم شراكة
والشاصيه حق التشارجر والكرايسلر والقراند شروكي هو نفس شاصيه المرسيدس E كلاس
وواضحة اللمسات الألمانية في سيارات دودج ووسائل الأمان الموجودة فيها.
أنا موظف جديد في شركة المتحدة فني في قسم الصيانة، والقسم طبعا ضغط شديد والسيارات الي تجينا ماتخلص
وطبيعة عملي إني أصلح وأجرب السيارات اذا كان فيه شكاوي أو مشاكل.
والي لاحظته، عزل السيارات ممتاز وفيه نعومة ملحوظة لكن جنط ال20 صوته قوي وقاسي في المطبات.
وأكثر سيارة عجبتني وفي كل مرة أسوقها أذكر الله وأصلي على النبي هي القراند الشروكي.
ماشاءالله تبارك الله، سيارة غنية عن التعريف وسواقتها من أجمل مايكون
بالنسبة لقطع الغيار، للأسف الشديد مازال هناك بعض التقصير في بعض القطع. ولازم طلبية
لكن يوجد تحسن عن السابق والقطع تاخذ تقريبا 4 ايام عشان توصل، وهذه جهود وزارة التجارة،
كل ما تأخرت الطلبية يغرمون الشركة.
ملاحظاتي البسيطة:
الزيت الموصى لسيارات دودج وكرايسلر وجيب هو موبار 5w20 تخليقي، وأنا من وجهة نظري
أشوف أن هذا الزيت خفيف ومايستحمل درجات الحراره العاليه مثل أجوائنا.
وأكثر السيارات الي تجينا ونغير لها الزيت يكون محروق.
هذا الزيت ينفع تمشي عليه 5 الاف. لكن 10 الاف احسها كثير عليه لانه خفيف.
وبالنسبه لأسعار القطع الإستهلاكية أشوف أنه سعرها متوسط بعض الشيء.
الي متعود على أسعار قطع السيارات الكورية الصغيرة يمكن تجيه صدمة.
ولاحظت وجود أثنين بوجي على كل سلندر في المحركات الv8 سواء كان المحرك R/T أو SRT8
يعني طقم البواجي يجي 16 بوجي. طبعا من وجهة نظري أشوف أنها حركة مالها داعي وغير عملية تصنع محرك ب 16 بوجي.
بإمكان الشركة تستخدم بواجي ذو شرارة قوية وراح تفي بالغرض.
هذا كل مايحظرني الآن
وصلى الله وسلم وبارك على رسولنا الكريم محمد، عليه أفضل الصلاة وأتم التسليم
إبلاغ
سيارات للبيع
الردود
Germany
1
0
انتظر اجابتك اخي الكريم وياليت تقلنا في اي فرع انت موجود
2
5
3
1
وزيت 5w20 موصى به من الشركة الأم في أمريكا خصوصا للمحركات الv8 لأنها مزودة بنظام MDS وهذا النظام يعمل بالزيت
وأعتقد توجد علاقه بين هذا النظام ولزوجه الزيت.
لذلك أنصحك تستمر على نفس اللزوجة لكن غيرها كل 5 الاف من باب المحافظة.
أما بالنسبه لمحركات الv6 فهي غير مزودة بنظامMDS ومايمنع تستخدم زيت 5w30
1
0
ماكنت اواجه اي مشكله في القطع وكانت رخيصه جدا بالمقارنه بالكامري والسوناتا
اتكلم عن الشكل من ٢٠٠٦ الى ٢٠١٠ سيارات تستحمل وقويه
بالنسبه ل الزيت استخدم اللي موصى فيه احسن ماله دخل الجو
سوا كان بارت او حار الحراره داخل المكينه نفسها باايام البرد راح تلقاء حراره وانت واقف جنب السياره ونفسها في الصيف
بالنسبه ل صوت التكايات عادي جدا ولا فيه اي مشكله
كنت منتظم ع زيت واحد اللي هو موبار ولا كنت اسمع صوت تكتكه اذا وقفت وناس موترهم من زمان وهم يسمعوت صوت التكتكه ولا صارت معاهم مشاكل
1
0
وبالنسبة للبواجي نفس حركة الفياقرا وغضوا النظر عنها في البانوراما
1
0
0
0
وياجون سيلفر نصيحة حط نفس اللزوجة الي موصى فيها ولاتغير للزوجة اعلى وماله دخل الزيت سواء خفيف ولا ثقيل كلها تستحمل الحرارة الفرق في ممرات الزيت بالمكينة مصممه على لزوجة معينة تصلح لها
0
0
وعليكم السلام عندك فكرة بكم سعر تمديد الضمان لل5.7
3 سنوات مفتوح الكيلو ؟ تشتغل بفرع الخبر؟
2
0
0
0
وأبي أسألك كيف قيادة الدودج تشارجر بالنسبة لك
يعني لواحد يتعلم القيادة هل تنفع ولالا من ناحية الراحة ومتعة القيادة وكل شيء
وشكرا لك على الموضوع واحلى لايك
0
0
تمديد الضمان 3 سنين مفتوح الكيلو ب 4500 لسيارات السيدان
وب 5200 لسيارات الدفع الرباعي.
لكن من شروط تمديد الضمان هو انك تكون واضبت على الصيانه في الشركة في مدة الضمان الاول الي هو 3 سنين او 60 الف كيلو
0
0
0
0
majid__120
أسعار التشارجر تبدأ من 106 ألف
أما الشروكي فيبدأ سعره من 140 للإستاندر
0
0
0
0
بصراحة الوكالة نصابين رحت ابي امدد الضمان , يقول ينحسب من تاريخ شراء السيارة , يعني بدفع 4000 ريال على سنة واحدة بس
1
0
لو بيمددون لك الضمان من تاريخ التمديد كذا بيخسرون
1
0
0
0
من صنع شركة مرسيدس بنز
الي جا بعده ابو ست نمر مشترك بين كرايزلر ومرسيدس
انا معي رام وقطع الكهرب اغلبها مكتوب عليها (Made in Gernany)
بعض الناس من تطري له سيارات دودج تطقه الروعة ويهوجس في قطع الغيار
بعد استخدامي للرام اكتشفت ان اغلب القطع الاستهلاكية ارخص من بكثير من الي تتخيله الناس
الصيانة مافيها تعقيد
القطع في مجملها اقل من المتوسط باستثناء بعضها وهي قليله
الي فيها غلاء قطع البدي والاكسسوارات والاشياء المتعلقة بنظام التعليق
اما بخصوص المتحده ماقد جيتهم الا وصفقوني بموعد ثلاث ايام
مدري وش السر في ان السيارة لازم تجلس عندهم ثلاث ايام قبل الموعد !!
طيب عطني موعدي واجيك في الموعد
مب تاخذ السيارة ثلاث ايام وبعدين تشتغل فيها ؟؟
قبل 9 سنه و 3 شهر